Showing results by narrator "Nitin Sharma" in All Categories

Audible prastut karta hai Crime Stories by Delhi Press ka sankalan. Akhbaar ki surkhiyon mein kayi apraadh ke qisse dil dehla dete hain. Aakhir sach kya hai, koi hadsa kaise hua, uske peechhe kiska haath tha, apraadhi bach kar kaise nikla? Ek ghatna ke peechhe kayi raaz hote hain, chhupi huyi kahaniyan hoti hain aur gupt kadiyan hoti hain. Har kirdaar ki alag maansikta hoti hai, jise samajhne ke liye unki duniya mein jaana padta hai. Hatya, balatkaar, chori, dhokhe ki kahaniyan samaaj ke ek aise pehlu par roshni daalti hain jise samajhna mushkil aur dilchasp bhi. Sansanikhez khabaron ke peechhe romanchak kahaniyan hain jo suljhaana kathin hai. Satya ki talaash mein tehkikaat karte kirdaar aapke saamne kayi sawaal layenge. Yeh kahaniyan aapko apraadh ke uss mod tak le jayengi jahan rahasya ke saath uljhan aur halchal bhi hai. Kya aap sach ki iss khoj mein shaamil hona chaahenge?

Audible presents Magadh Mystery, an Audible Original. Vidya naam ki ek yuva archeologist ne apna poora bachpan ‘Magadh ka Rahasya’ sunte huye guzara. Lekin na Vidya ko, aur na Vidya ke chhote bhai Amar ko, apne Dadaji ki sunaayi iss kahaani par bharosa thha. Vidya zarur iss kahaani se hairaan hua karti thhi. Aur jab Vidya ke pita-samaan colleague Khetrapal ko ek khudaayi ke dauraan ‘Magadh Rahasya’ se juda ek shilaa-lekh mila, aur uske baad acchanak unki hatya kar di gayi this, tab Vidya ko Magadh se jude iss gehre rahasya ki talaash mein nikal naa hi padaa.